OVOS DE PASCUA

Aínda que estamos confinados e non podemos saír de casa, estamos en Semana Santa. Por iso ímosvos a deixar unha curiosidade dos ovos ou monas de Pascua.

Desde moitos días antes de Semana Santa, nas pastelerías e panaderías do noso país, nos supermercados e en todo tipo de tendas de alimentación empezan a exhibirse rechamantes figuras de chocolate que fan chuparse os dedos a péquelos… e aos non tan peques 😉 

Nalgúns lugares de España, estas figuras veñen acompañadas dun panquemado ou bolo doce para completar a merenda, e ao conxunto chámaselle mona de Pascua. A tradición di que son os padriños ou madriñas dos nenos quen regala este doce aos seus afillados ou afilladas.

A Semana Santa termina o domingo de Resurrección, ou domingo de Pascua, pero en moitos lugares de España as vacacións escolares prorróganse ata o Luns. O domingo e luns de Pascua, en moitas cidades de Europa e Estados Unidos, organízanse xogos cos nenos consistentes en esconder ovos de chocolate nos lugares máis diversos e, logo, facer que os pequenos os busquen e váianos depositando en cestas de vimbia.

Cando a procura terminou, todos os ovos colleitados repártense entre os participantes, co que non hai nenos máis acaparadores que queden cun gran botín e outros máis pequenos ou con peor sorte que non reciban ningún: a diversión está en buscar e atopar, non acumular ovos de chocolate en plan egoísta. Os ovos de Pascua poden esconderse nun xardín ou dentro de casa. 

Como este ano non podemos saír de casa pola pandemia de coronavirus, podemos esconder os ovos por toda a casa (tamén, por suposto, no xardín ou terraza, se dispoñemos deles), debaixo das camas ou das cadeiras, nos armarios da cociña… o caso é xogar e pasalo o mellor posible! 

Ánimo!!! Queda menos!!!#QUEDANACASA.